ليه لما اشتري هارد 80 جيجا يطلع دايما نقص وألاقيه 74 جيجا؟ hard disk

السؤال ده دايما كان محيرني
وكنت مفكر إن في شوية جيجهات بتخرب من النقل والتخزين الخ الخ ...
:D
لكن أخيرا عرفت الحقيقة

الفكرة ببساطة كالتالي:

كلنا عارفين إن الجيجا فيها 1024 ميجا

والميجا فيها 1024 كيلو

والكيلو فيه 1024 بايت

الكلام ده عند الويندوز

لكن




الأمر مختلف بالنسبة للشركات اللي بتصنع الهاردات

بيحسبوها كالتالي:

الجيجا فيها 1000 ميجا

الميجا فيها 1000 كيلو

الكيلو فيه 1000 بايت


يعني لما الشركة تصنع هارد 80 معناه إن فيه 80,000,000,000 بايت بحسباتها
لكن بحسابات الويندوز بتبقى أقل


لمعرفة الحجم الصحيح لأي هارد اضربه في النسبة التالية:
0.931322574615478515625

مثلا الهارد 120 لو ضربته في النسبة السابقة هيطلع
111 جيجا


وهكذا

أتمنى أكون أفدتكم