ساعة تحسب لك مدة تواجدك على النت

السلام عليكم
ممكن لو قعدت على النت تنسى نفسك وتقعد ساعات وانت مش حاسس
لوبتستخدم المتصفح الرائع فايرفوكس ، فيه اضافة تمكنك من متابعة مدة تصفحك للنت
الاضافة بتحسب المدة اللي بتستغرقها في التصفح فقط ، يعني لو اشتغلت على برنامج تاني ، الساعة هتوقف تلقائيا لغاية ما ترجع للتصفح.
فيه مميزات كتير تانية في الاضافة هبينها لكم.


أول حاجة نزل الاضافة وثبتها (حجمها 48 كيلو فقط)
 الرابط:
https://addons.mozilla.org/en-US/firefox/addon/timetracker

 بعد ذلك اغلق الفيرفوكس وافتحه مرة ثانية.
في ركن الفايرفوكس اليمين من تحت هتلاقي ساعة

هو ده عداد الساعات.

فيه امكانيات كتيرة منها:
1- العداد يبدأ مع تصفحك للنت ، يتوقف تلقائيا مع توقف التصفح.
2- ممكن توقف العداد يدويا وتشغله تاني يدويا بمجرد الضغط عليه مرة واحدة
هيتحول لونه للأصفر دليل على توقفه

ممكن تخلي العداد يبدأ من الأول تاني (تصفر العداد) عن طريق الضغط عليه كليك يمين ثم reset

3- ممكن تحسب بيه فترة دخولك النت خلال يوم أو منذ فتح الفايرفوكس أو منذ تثبيت البرنامج.
4- ممكن تستبعد بعض المواقع من الحسابات ، مثلا لو مش عايز العداد يحسب فترة دخولك على اليوتيوب ممكن تستثنيه.
لعمل ذلك اضغط على العداد كليك يمين ثم options
هيطلع لك شاشة تحكم تقدر تغير فيها كما هومشروح في الصورة التالية (اضغط عليها للتكبير)

نسعد بتعليقاتكم على الموضوع