اللاب توب بتاعك بيسخن بسرعة؟ الحل هنا laptop overheat

السلام عليكم
تطور فظيع حدث في عالم الكمبيوترات ، فبعد أن كان الكمبيوتر يحتل غرفة ، أصبح يحتل علبة صغيرة سهل حملها.
لكن ده محصلش بدون تكلفة ، التكلفة من زنقة  معدات كثيرة في مكان ضيق كده كانت "الحرارة".

والحرارة لها خطورة على جهازك ، فممكن تعمل ضرر دائم لمكوناته المادية ، ده غير إنها بتأثر على أداء اللاب توب طبعا.

أعراض ارتفاع درجة حرارة اللاب توب أو إزاي تعرف أن جهازك فيه مشكلة في الحرارة : ...


1- دايما تسمع صوت المروحة عالي نتيجة لأنها بتعمل بسرعتها القصوى.
2- الجهاز بيتقل أكتر من الأول.
3- ممكن الجهاز يفصل مرة واحدة وأنت بتشغل لعبة مثلا.
دي أهم الدلائل على إنه فيه مشكلة في نظام التبريد عندك في الجهاز.

طيب الحل ايه؟
خطوات بسيطة لكن مهمة

1- تنظيف نظام التبريد الداخلي في اللاب توب:
لو عندك خبرة تفتح اللاب توب وتنظف المراوح بتاعت ال cpu و كارت الشاشة
بس لازم تخلي بالك من بعض الاحتياطات:

• متفتحش الجهاز إلا لو كان عندك فكرة ، لو متعرفش يفضل تبعته لحد بتاع صيانه افضل
• لازم تشيل بطارية الجهاز وتأمن نفسك من الكهربا (البس حاجة عازلة في رجلك)
• استخدم في تنظيف المراوح قطعة قماش مرشوش عليها سبرتو ، ولو هتستخدم بلاور استخدمه بحذر عشان السلوك وثبت المروحة وانت بتنظفها متخليهاش تلف منك علشان متبوظش.
• نظف الفتحات الجانبية في اللاب اللي بتسرب الهوا السخن وسلكها كويس.

2- وضع اللاب توب بطريقة صحيحية اثناء الاستخدام:
وانت بتستعمله حطه على سطح صلب مستوي (لوح خشب مثلا) علشان التهوية من تحت الجهاز تبقى كويسة ، ومتحطوش على سطح غير متساوي زي البطانية أو مخدة.
ممكن تجيب مروحة تحت اللاب توب ، بتتباع بأسعار مختلفة من 15 لـ 100 جنيه ودي صورة كمثال:

3- تقليل انتاج الحرارة من الجهاز
حاول تستغنى عن البرامج اللي ملهاش لازمة وتقفلها .

4- متابعة حرارة الجهاز:
فيه برنامج لمتابعة الحرارة
اسمه: Real Temp
البرنامج لا يحتاج لتثبيت ، نزله وفك الضغط عنه وشغله على طول:
http://www.4shared.com/rar/UnSpSozLce/realtemp.html

شرح البرنامج:

1- لفتح البرنامج
2- درجة حرارة الجهاز الان
3- درجة الحرارة الباقية للوصول للدرجة القصوى
4- حالة درجة الحرارة: ok = أنت في أمان

نسعد بتعليقاتكم على الموضوع